آرزو لار دونیاسی

سنسیز گونلریم

یازار : Sae!d

ایكی گؤزوم تلفونوما باخا باخا قالیب دیر

قوی كی باخیم بلكه یاریم بیر اس ام اس آتیب دیر

گؤتورورم تلفونومو مین بیر آرزو اومیدله

آما اوندا "یوخدور یئنی بیر اس ام اس" یازیب دیر

یول گئدیرم وای ائله بیل تلفونوم زنگ چالیر

تئز باخیرام هئچ كیمسه یوخ اورك یالنیش سانیب دیر

گئجه گلیب یاردان خبر آلمامیشام بوگون ده

گؤزله ییرم یوخدور خبر ساعات اوچه چاتیب دیر

هوش توتوب دور بیر اس ام اس سسیله من اویاندیم

اوخویورام بیر یولداشیم منی اله سالیب دیر

اینانیرسان بویله كئچیر سنسیز گولوم گونلریم

قاییتگینان هیجرین منی یاندیریب دیر یاخیب دیر

شاعیر : وحید شكرزاده

آردینا دا باخ
+0 لایک
بؤلوملر : شعر,
آچار سؤزلر : سنسیز,
پنجشنبه 23 دی 1389 2 باخیش